Bible Lessons

for

THE CHURCH OF ELOHIM

(7th Day)

__________

FIRST QUARTER
2019

_____________

FOR

JANUARY - FEBRUARY - MARCH

TO BE USED WITH THE BIBLE

____________

Workers are needed, for the harvest
is great, but laborers are few ...

Address all orders to P.O. Box 568,

Jerusalem - Israel

---------------------------------------------------------

Kiswahili

(Tevet 28, 5779)

HALI YA SIKU ZA MWISHO KUTABIRIWA

Somo Kuu: 2 Tim. 3.

Fungu La Kukariri: 2 Tim.3:14.

1. Elezea kuhusu nyakati za hatari ambazo Paulo alinena na ni lini zitatukia? 2 Tim.3: 1-7.

2. Paulo alimaanisha nini katika aya ya 7?

3. Je, Kuna wakati unakuja ambapo kutakuwa na watu wachache ambao ni wadanganyaji? Mst wa 13.

4. Ni kwa manufaa gani Paulo alisema kwamba maandiko haya yaliandikwa? Mstari wa 16-17.

5. Je, Watu wengine wanaofikiria kuwa ni wana wa Elohim watakuwa wakifanya nini siku za mwisho? 1 Tim.4: 1.

6. Watakuwa wakisema nini, na ni kwa nini? 1 Tim.4: 2.

7. Ni nini itakuwa hali ya watu matajiri katika siku za mwisho? Yakobo 5: 1-3.

8. Kando na kuishi katika anasa, wao walifanya nini? Mstari wa 6.

9. Yakobo aliwaambia ndugu ambao ni waaminifu wafanye nini?Mstari wa 7-13.
10. Katika nyakati hizi za hatari, Yahshua alisema ni nini tunapaswa kuangalia? Luka 21:34, 35.
11. Je, ni maagizo gani Paulo alitoa kwa Kanisa katika siku hizi za mwisho? Waebr.10:25

12. Watu wa dunia watafanyaje wakati Mwana wa Adamu atakapofunuliwa akishuka kutoka Mbinguni pamoja na malaika wote wenye nguvu pamoja naye Ufunuo 6: 12-17; Mat. 24:30.

Fahamu: Ni wazi kutokana ishara zote zinazotuhusu kwamba tunaishi katika siku za mwisho. Nyakati za hatari ziko hapa, na ni lazima tuinue vichwa vyetu kwa sababu ukombozi wetu unakaribia. - Luka 21:28. Pia kufanya kazi ya Baba yetu, kama watumishi wenye faida kwa Bwana. — Mat: 24: 19-30.

*********************

(Shevat 6, 5779)

USIONDOE ALAMA YA MPAKA WA ZAMANI

“Alama za kale” zinaonyesha imani ya zamani ambayo ilikabidhiwa Watakatifu - (Yuda 3). Msingi uliwekwa na
Mitume na Manabii, jiwe la msingi ni Yahshua Masihi. Kuwa kinyume cha Yahshua inamaanisha kuwa kinyume na maisha yake na mafundisho yake. Inapaswa kuwa wazi kwa kila mtu kwamba kanisa la
Elohim - familia ya Elohim duniani - haina”imani iliyofungwa na kutiwa mhuri.” Kwa kuwa Elohim
anajua mambo yote, ujuzi na hekima yake imejaa duniani kote na haichunguziki. Imedhihirishwa katika
mioyo ya WaMasihi wa kweli, kwa nyakati zote na kutoka kizazi hadi kizazi.

Somo Kuu: 2 Yohana.
Fungu La Kukariri: Mithali. 22:28.

1. Msingi wa uMasihi umejengwa juu ya nini? Waefeso. 2:20.

2. Je, Msingi huu uliowekwa awali unapaswa kubadilishwa na kurekebishwa? 1 Wakor.3: 10- 15.
3. Je, Ni nini baadhi ya masharti yaliyotolewa ambayo msingi huu uliwekwa? Ufu. 14:12, 12:17; Luka 9: 23-26.

4. Musa alionywa vipi kuhusu ujenzi wa hema ya Elohim? Kutoka 25: 8-9, 40; Waebr. 8: 5.
5. Ni nini itakuwa hali ya WaMasihi ikiwa alama za kale zitaharibiwa? Zab.11: 3, 82: 5.
6. WaMasihi wanashauriwa washindanie nini kwa bidii? Yuda 3.

7. Ni nini imetabiriwa kuhusu WaMasihi wengine ambao watatoka katika imani ya kweli? 1Tim.4: 1-3.

8. Waalimu hao wa uongo wanafananishwa na nini? Je, mtu anafaa kuendelea kushirikiana nao? 1 Tim. 6: 3-5; 2 Yohana 9-11.
9. Mtu anawezaje kutambua MMasihi wa uongo au mpinga Masihi? Luka 9: 49-50; Yohana 7:17; 1 Yohana 4: 1-3.

10. Katika siku za WaMasihi waliotangulia, watu fulani walijitahidije kuharibu alama za kale?Matendo.15: 1,5.

11. Wakati wazee wa hekima wa kanisa walichunguza ukweli juu ya jambo hilo, walifanya nini? Aya 2, 4, 6.
12. Katika mkutano wa dharura uliofanyika, ni azimio gani waliafikia? Aya 23-29.
13. Je ni shauri gani Paulo alitoa kwa watu waliosalia ambao wanashindana kwa bidii kwa imani ya zamani iliyotolewa kwa watakatifu? 1 Wakor.1:10.
14. Kwa nini Tito aliachwa Krete? Tito 1: 5.

15. Je, ni nini hatima ya wale watakaocha kwa makusudi mafundisho ya Injili? Wagal.1: 6-9; Warumi.16: 17-18; 2 Wathes.3: 6.
**********************

(Shevat 13, 5779)

NEEMA – ZAWADI KUU YA ELOHIM

Somo Kuu: Warumi 5: 1-21.
Fungu La Kukariri: Waroma 5:21.

1. Je, Ni tendo gani la kwanza limenakiliwa la neema kwa ajili ya mtu aliyeanguka? Mwanzo 3:21.

Fahamu: Uovu wa dhambi na matokeo yake; kifo kwa pande isiyo na hatia, imeelezewa katika aya hii fupi. Damu isiyo na hatia ilimwagika hili mtu aweze kupata mavazi ya mwili. Hivyo basi aina ya kwanza iliundwa katika Agano la Kale. Ililenga damu iliyomwagika ambayo inaweza kumsitiri mtu wa kiroho kama jinsi mahitaji yao ya kwanza yalitimizwa.

2. Jinsi gani tutajua ya kwamba Abili alipewa maagizo kuhusu mpango wa wokovu? Mwanzo 4: 4.

3. Uhusiano kati ya dhambi na neema ni nini? Rum 5: 17-20.

Fahamu: Kwa hakika kama jinsi dhambi na mauti zilikuja kupitia kuanguka kwa mwanadamu, zaidi ya hayo tunahakikishiwa kwamba itapita kwa sababu ya kifo na ufufuo wa Yahshua Mwana wa Elohim.

4. Hata katika nyakati za zamani, ni njia gani mbili zilikuwa wazi kwa mwanadamu? Kumb. 30:19;
Yer. 21: 8.

5. Je, Yahshua alielezeaje hilo jambo kwa Wayahudi? Yohana 5:40.

6. Ni ujumbe gani wa neema tunapaswa kuwa tunahubiri leo? Ufu. 22:17.

Fahamu: Tangia zamani Elohim amekuwa akifikisha neema yake kwa jamii ya wanadamu. Kwa nyakati zote akitekeleza neema yake kwa wanadamu. Tangia zamani wao walikataa rehema na upendo Wake hadi mwisho walimsulubisha Mwana wake mwenyewe. Tunapokaribia kurudi kwa mara ya pili, ndivyo dhabihu aliyoitoa itakataliwa zaidi. Hata hivyo kwa wale wanaomjua, Yeye bado ni yule Yule kama alipokuwa hapa duniani.

7. Je, Neema ya Elohim imefunuliwa kwa watu wangapi? Tito 2: 11-15.
8. Ni nini kinachoonyesha upendo usioweza kupimika ambao Masihi anao kwetu sisi? 2 Wakor. 8: 9.

9. Je, Jinsi gani neema imefunuliwa zaidi kwetu sisi? Mstari wa 12.

10. Je, Ni nini Paulo kwa njia ya unyenyekevu alikiri? 1 Wakor.15:10.

11. Alionyeshaje neema kwa siku za kale, za sasa, na za baadaye? 2 Wakor.1:10.

12. Katika kumkubali Masihi ni nini kinachowezekana kujua? Matendo 13:38, 39.
**********************

(Shevat 20, 5779)

NGUVU ZA ELOHIM ZA KUOKOA

Somo Kuu: Isaya 54: 4-17.
Fungu La Kukariri: Zaburi 103: 17.

1. Wakati miguu ya makuhani iligusa maji, ni nini kilichotokea kwa mto Yordani? Yoshua 3:15,16.

2. Ni wapi ambapo makuhani walipokuwa wakati wana wa Israeli walivuka mto wa Yordani?Mstari wa 17.

3. Je, Ni nini wanaume kumi na wawili, mmoja kwa kila kabila, waliamriwa kufanya? Yoshua 4: 5.

4. Je, Mawe yalikuwa yawakilishe nini, na wana wa Israeli waliamriwa kufanya nayo nini? Mstari wa 6-8.

5. Yoshua hatimaye aliweka mawe wapi? Mstari wa 9.

6. Je, wana wa Israeli walivukaje Yordani? Mst 10.

7. Ni lini na ni jinsi gani sanduku la Elohim, na makuhani, walivuka Yordani? Mstari wa 11.

8. Yoshua alisema nini ili watu wote wa dunia waweze kujua? Mst wa 24.

9. Je, Jinsi gani wana watatu wa Kiebrania waliokolewa katika tanuru ya moto? Danieli 3: 24-27.

10. Jinsi gani vinywa vya simba vilifungwa, ili wasiweze kumwangamiza mtumishi mwaminifu
wa Elohim, Daniel? Danieli 6:16, 19-23.

11. Ni kwa njia gani ya miujiza Paulo na Sila waliokolewa kutoka korokoroni? Matendo 16:25, 26.

Fahamu: Baba yetu wa Mbinguni ni wa ajabu, mwenye upendo, mwenye nguvu yote, tuna
fursa ya kumtumikia na kumtegemea katika maisha yetu yote! Hakubali mtu yeyote apotee,
lakini watu wote wanapaswa kuja kwake na kuokolewa. Hebu tujitahidi kujua na kufanya
mapenzi Yake na kuwasaidia wengine kuja katika nuru ya injili ya Masihi na utimilifu wake,
ili waokolewe.

***********************

(Shevat 27, 5779)

KUZAMISHWA (NDANI YA MAJI), NJIA YA ELOHIM YA UBATIZAJI

Somo Kuu: Mathayo 3.

Fungu La Kukariri: Wakolosai 2:12

1. Ubatizo wa Yahshua, jinsi gani ulifanywa na ulifanywa na nani? Mathayo 3: 13-16.
2. Mtume Paulo anasema nini kuhusu aina ya ubatizo katika siku alizoishi? Wakolosai 2:12.
3. Baada ya Pauli na Sila kufunguliwa kwa miujiza kutoka gerezani, ni mtu gani muhimu na familia waliamini na kubatizwa? Matendo 16: 29-33.

4. Tunapaswa kuenendaje baada ya kubatizwa, au kuzikwa pamoja Naye katika ubatizo? Warumi 6: 4.

5. Tutamvaa aje Masihi? Wagalatia 3:27.

6. Je, Sisi ni kwa kuzamishwa katika maji tumebatizwa katika kifo cha Masihi? Warumi 6:
3-4.

7. Kwa nani, na kwa namna gani, towashi aliyeamini alibatizwa? Matendo 8:38.
8. Ni aina ngapi za ubatizo zilizopo? Waefeso 4: 5.

9. Je, kulikuwa na watu wengi walioamini na kubatizwa baada ya kusikia mahubiri ya Petro
siku ya Pentekoste? Matendo 2:41.

10. Je, kulikuwa na wengine ambao waliamini na kubatizwa baada ya kusikia mahubiri ya Filipo juu ya ufalme wa Elohim na Yahshua Masihi? Matendo 8:12.
11. Kwa nini Yohana alibatiza huko Aenoni? Yohana 3:23.

Fahamu. Aya zilizo hapo juu zinathibitisha ukweli kwamba kuzamishwa ni njia sahihi ya ubatizo. Ikiwa kunyunyizia mtu maji hutosha, kwa nini Yohana alitaka maji mengi ya kubatiza? Kunyunyizia mtu maji ni makosa, na ni hali ya kusikitisha sana ambayo wengi wamewadanganywa na mafundisho hayo na bado wanataka kuyashikilia. Hebu tuombe ili waweze kuona mwanga wa kweli na kukubali nuru ya kweli na kukubali mpango wa Elohim wa wokovu kwa ukamilifu wake.

*******************

(Adar I 4, 5779)

NGUVU ZA ELOHIM KUPITIA ROHO MTAKATIFU

Somo Kuu: Wafilipi 2: 1-28.

Fungu La Kukariri: Wafilipi 2:15.

Fahamu.- Sura hii ambayo ni nzuri inatufundisha jinsi ya kushirikiana na wengine katika umoja wa kweli na furaha. Tafakari maneno haya: “Ikiwa kuna faraja yoyote katika Masihi, ikiwa faraja ya upendo, ikiwa ushirika wa Roho”, nk.

1. Je, Ni mambo gani manne ambayo ni muhimu ili kufikia umoja huu kama ulivyotolewa kwa Wafilipi. 2:2?

2. Badala ya kufanya kazi kupitia ugomvi na utukufu usiofaa, tunapaswa kufanya kazi zetu aje?Mst wa 3.

Fahamu. Maneno haya ni mazuri sana, “kwa hali ya unyenyekevu, kila mtu na amhesabu mwenziwe kuwa bora kuliko nafsi yake.” Ikiwa tutafuata ushauri huu ambao ni bora, hakuwezi kuwa na ugomvi. Unawezaje (ugomvi) kuwepo?

3. Je, Ni ufanisi gani mzuri utatokea kutokana na mazoezi haya? Mst wa 4, 5.

4. Yahshua alijitukuza Mwenyewe kwa njia yoyote? Mstari wa 8.

5. Je, Ni nini kilichofuatia unyenyekevu Wake mkubwa? Mstari 9-11.

6. Ikiwa tunaweza kuwa na hatia katika uhusiano wetu sisi wenyewe, ni nini kitakachotokea katika hali zetu? Mstari wa 14, 15.

7. Ni hali gani nzuri iliyokuwapo kati ya ndugu katika siku za Paulo? Mstari wa 18-20.

8. Je, ni mashauri gani sawa yanayopatikana katika Wakolosai 3: 11-17?
9. Wakati Masihi anakaa ndani yetu katika Roho Mtakatifu, ni nini itakuwa matokeo siku zote? Yohana 15:4, 5.

10. Ikiwa hatutajitolea kushinda nafsi za watu kwa ajili ya Ufalme wa Elohim, matokeo yatakuwa yapi? Mstari wa 6.

11. Je, kushinda nafsi za watu itaongeza uwezo wetu tukiwa na Elohim kwa sala iliyojibiwa? Mstari wa 7, 8, 16.
*****************

(Adar I 11, 5779)

UWAKILI WAAMINIFU KATIKA MAFUNDISHO

Somo Kuu: Tito 1: 1-15.

Fungu La Kukariri: Tito 2: 1.

1. Je, Mtume Yuda alisema ni nini tunapaswa kushindania kwa bidii? Yuda 3.

2. Je, Ni aina gani mbili za mafundisho zilizoko hapa duniani? Mat. 7:28, 29;1 Tim.4: 1.

Fahamu. Katika maandiko haya mawili kumetajwa mafundisho ya Masihi, na mafundisho ya mashetani.

3. Je, Fundisho la Masihi ni gani kulingana na 1 Tim 6: 3-5?

4. Je, Yahshua alisema nini kuhusu mafundisho Yake? Yohana 7:16.

5. Kwa nini Alisema hivyo? Yohana 6:38; 5:30.

6. Ni kwa jinsi gani na ni kwa kupitia njia gani tutaweza kujua mafundisho ya kweli? 2Tim.3:16, 17.

7. Ni kwa njia gani Roho Mtakatifu anafanya kazi ya kufunua ukweli mzuri wa kuokoa? 2Pet.1:20, 21; Waebr.10:25; Ufu. 2: 7.

8. Je, kutii mafundisho mema kutatusaidia? Warumi 6:17, 18.

9. Kama watoto wa Elohim na walimu,

tumeamrishwa kufundisha nini? Tito 2: 1.

10. Je, mafundisho mazuri yanafaa kuhukumu kila
aina ya dhambi? Je! Dhambi ni nini? 1 Tim.1: 9-
10.

11. Kwa mafundisho mazuri tutaweza kufanya nini Tito 1: 9.

12. Ikiwa tutafuata mafundisho ya Biblia ya kweli,
yatafanya (mafundisho) nini? 1 Tim 4:16.

13. Je! Masihi Yahshua ni nini alituamuru kutoacha
bila kufanya? Mat. 23:23.
14. Ni kwa nini watu walishangaa kwa mafundisho
ya Masihi? Mat. 7:28, 29.

Maelezo.- Masihi alinena kwa mamlaka kwa sababu alifundisha Neno kwa usafi wake, na
hakuna mpinzani aliyetegemea mafundisho ya uwongo aliyefuzu kupinga mafundisho yake; hivyo ndivyo ilivyo kwa kila mtu hivi leo ambaye  atafuata Neno lisilochafuliwa kama mwongozo
wake.

15. Jinsi gani Paulo alisema kuhusu watu kuyachukulia mafundisho mazuri wakati utakaokuja? 1 Tim.4: 1-4.

**********************

(Adar I 18, 5779)

UPENDO KATI YA MMOJA  NA MWINGINE

Somo Kuu: Yohana 14: 15-31.

Fungu La Kukariri: Yohana 14:21.

1. Je, Ni nini moja ya sifa za Elohim? 1 Yohana 4: 8, 16.
2.Jinsi gani Elohim alidhihirisha upendo wake kwa ulimwengu? Yohana 3:16; Warumi 5: 8; Waefeso 2: 4,5.

3. Ni nini kinachohitajika kwa kila mtu anayekubali Masihi kama Mwokozi wake? Yohana 13:34; 15: 9, 10, 12.

4. Je, Dunia itawezaje kujua kwamba sisi ni wafuasi wa Masihi Yahshua? Yohana 13:35.

5. Ni kwa njia gani tutaupata upendo huu? Warumi 5: 5.

6. Je, Ni jambo gani pekee yake tumeshauriwa kuwa na deni kwa mtu yoyote? Warumi 13: 8 (sehemu ya kwanza).

7. Ni nini tunafanya wakati tunapopendana? Mstari wa 8 (sehemu ya mwisho).
8. Je, Bwana wetu alisisitizaje ukweli huu? Mathayo 22: 34-40.

9. Tunawezaje kuthibitisha upendo wetu kwa kila mmoja? Wagalatia 5: 14, 15.

Fahamu: Katika upendo wetu kwa Elohim, na mwanadamu mwenzetu, ndiyo utimilifu wa sheria zote na manabii. Ikiwa tunamdhuru ndugu yetu kwa njia ya kueneza uvumi ni dhahiri kwamba upendo ambao Elohim aliweka ndani ya mioyo yetu umepungua kwa kiasi fulani, kwa maana upendo haufanyi vibaya kwa jirani yake.

10. Je, Yahshua alisisitizaje upendo wake mkuu kwetu? Yohana 15:13.
11. Bwana ametuamuru aje sisi kupendana? Aya 12.

12. Je, Upendo huu utasababisha sisi kuvaa nini? Wakolosai 3:12.

*********************

(Adar I 25, 5779)

UNYENYEKEVU DHIDI YA KIBURI

Somo Kuu: Danieli 4: 19-37.

Fungu La Kukariri: Mithali 16:19.

1. Je, Ni mambo gani mengine ambayo Sulemani alisema kuwa huja kutokana na kiburi? Mithali 11: 2; 13:10

2. Je, Kiburi na unyenyekevu zina tofauti gani? Mithali 29:23.

3. Daudi alisema nini juu ya kiburi? Zaburi 10:2; 12:3, 4; 73:3-6.

4. Je, Ni nini kilichotokea kwa Farao kwa sababu ya kiburi chake? Kutoka 5:2; 14:8, 28.

5. Je, kiburi kilimfanya mfalme Uzia kufanya nini, na matokeo yake ya mwisho yalikuwa nini? 2 Mambo ya Nyakati 26:16, 19, 21.

6. Ni kwa nini ghadhabu ilinenwa juu ya Israeli wakati wa utawala wa Hezekia? 2 Mambo ya Nyakati 32: 24-26.

7. Je, Yahshua alifundisha somo gani la unyenyekevu? Luka 14: 7-11.

8. Paulo alitoa ushauri gani wa unyenyekevu? Warumi 12: 3; 11: 18-21.

9. Ni nani ambaye Nabii Isaya alisema kuwa Mtakatifu atakaa ndani yake? Isaya 57:15.

10. Ni kitu gani muhimu wenye dhambi wanafaa kufanya ili waweze kuwa watoto wa Elohim?
Mathayo 18: 3,4; Yakobo 4:10.

11. Ni jambo gani la unyenyekevu ambalo Yahshua alionyesha muda mfupi kabla ya kusulubiwa
kwake? Yohana 13: 3-5.

12. Ni adhabu gani kali iliyotolewa kwa Mfalme Herode kwa sababu ya kukosa kumtukuza Elohim? Matendo 12: 21-23.

13. Je, Ni ushauri gani Yahshua anawapa wenye kiburi? Ufunuo 3: 17, 18.

Fahamu: Huwa inasemekana: “Ulimi hutuingiza katika shida na kiburi huendelea kutuweka
katika shida.” Hilo lisiwe kweli kwa wana wa Elohim. Hebu tukumbuke kwa nyakati zote
maneno ya Sulemani “Hekima hukaa na wanyenyekevu.” Mithali 11: 2.

***********************

Somo la Machi 9, 2019 (Adar II 2, 5779)

KUYAWEKA MAZUNGUMZO YETU KUWA MEMA

Somo Kuu: Yakobo Sura ya 3

Fungu La Kukariri: Zaburi 50:23.

1. Jinsi gani maneno yetu ni muhimu? Mathayo 12:37.
2. Maneno yetu huja kutoka wapi? Mathayo 12:34, 35.
3. Je, Sala ya Mfalme Daudi ilikuwa nini kuhusu mawazo ya moyo wake na maneno ya kinywa chake? Zaburi 19:14.

4. Amri ya tisa inakataza nini? Kutoka 20:16.

5. Ni kwa njia gani Bwana Elohim aliwaonya wana wa Israeli kuhusu ulimi? Mambo ya Walawi 19:16.
6. Je, Maneno ya mchongezi hufananishwa na nini? Mithali 26: 21-22; 17: 9.
7. Je, ni athari gani itakayotokea kwa kukosa kueneza uvumi kwa watu wanao ugomvi? Mithali 26:20.

8. Sulemani, mtu mwenye hekima, alizungumzia nini maneno yaliyofaa (kwa hekima) yakiongewa? Mithali 25:11.
9. Je, ni tofauti gani kubwa kati ya mazungumzo kutoka midomo ambayo inayodhibitiwa na Bwana na ile ambayo haidhibitiwi? Isaya 57: 19-21.

10. Anajulikana aje yule awezaye kudhibiti ulimi wake? Yakobo 3: 2.
11. Kwa nini WaMasihi wanapaswa kuwa makini sana juu ya mazungumzo yao? Mathayo 12:36, 37.

12. Je, Bwana Elohim wetu anajua yote kuhusu maneno yetu? Zaburi 139: 4.

Fahamu. Kitu kimoja ambacho kinaonekana kuwa rahisi na asili kwa watu wengi kufanya ni
kuzungumza kwa upumbavu. Kuna mambo mengi sana ya kusema ambayo itafurahisha watu
na kuwafanya wacheke. Hii ni moja ya furaha kubwa ya watu wa kidunia, lakini WaMasihi
wana furaha zaidi na zaidi kuliko hii, na haifai kwao kuwa na mazoea ya kuongea maneno
kama hayo ya kipumbavu.

13. Ni pamoja na nini dhambi nyingine za msingi, mazungumzo ya kipumbavu imelinganishwa?
Waefeso 5: 3, 4.

******************************
Somo la Machi 16, 2019 (Adar II 9, 5779)

TINI NZURI NA TINI MBAYA

Somo Kuu: Yeremia 24.

Fungu La Kukariri: Yeremia 24: 7.

1. Tini nzuri ni aina gani? Yer. 24: 5-6.

2. Je, tini nzuri zilifaa kupokelewa bora zaidi kuliko zile zilizo mbaya? Mstari wa 7.

3. Je, Ni sehemu gani ya Yuda iliwakilishwa na tini mbaya? Mstari wa 8.
4. Je, jinsi gani tini mbaya zilifaa kuadhibiwa, na je, kuna yoyote ingebaki? Mstari wa 9 na 10.

Fahamu: Kutoka kwa maandiko yaliyotangulia ni wazi kwamba kulikuwa na makundi mawili  tofauti ya Wayahudi katika uhamisho, na ahadi zilikuwa tofauti kwa kila kundi. Yeye bado anaweza kutenganisha nzuri kutoka kwa mbaya, kama ilivyofanyika wakati wa kale, Yeye anafanya hivyo leo.

5. Ni kundi gani la Wayahudi lilipaswa kuchaguliwa ili kujenga miji iliyokuwa ukiwa na kufanya kazi ambayo tunaona inaendelea hapa sasa? Yeremia 24: 1-7.

6. Ni mapigo mangapi yalifanyika katika kuharibu ufalme wa Yuda? Ezekieli 21: 25-27. Linganisha
2 Mambo ya Nyakati 36: 15-19.

Fahamu: Huwa inasemekana juu ya maadui wa mataifa kwa Israeli: “Kama ulivyotenda ndivyo utakavyotendewa.” - Obadia 1:15; Yoeli anasema: “Nitakurudishia malipo yenu juu ya kichwa chako mwenyewe.” - Yoeli 3: 7.

7. Katika uharibifu huu wa ufalme wa Israeli miaka 2,500 iliyopita, wale waliolinganishwa na tini
mbaya walichukuliwa kwanza au mwisho? Linganisha Yer. 24: 8 na 2 Mambo ya Nyakati
36: 11, 12, 16.

Fahamu: Zedekia na wakuu wake walikuwa ni tini mbaya, na waliachwa, wakati tini nzuri ziliondolewa, kama itakapokuwa mwishoni, mema yatachukuliwa kwanza.

8. Ni lini tini nzuri, ikiwa ni pamoja na Danieli na wenzake, na wengine wengi walichukuliwa?Danieli 1: 1-6.

Fahamu: Waliondolewa na Mfalme Yehoyakimu na hawakuachwa Yerusalemu wakati uharibifu mbaya ulikuja ambapo wanaume, wanawake na watoto walitolewa kwa upanga.

9. Ni nini hasa kinachosemwa kuhusu tabia ya Chakula cha Danieli? Danieli 1: 7-8.
10. Kabla ya uharibifu mkubwa wa waovu mwishoni mwa kipindi cha mataifa, je,
watakatifu watakusanywa kwanza? Ufunuo 14:18.
11. Baada ya mkusanyiko wa matunda umekusanyika basi ni nini kitachotokea kwa
waovu ikilinganishwa na mzabibu wa dunia? Mstari wa 19 na 20.
12. Ni wapi tunaambiwa kuwa watakatifu watakuwa, ambao wana ushindi juu ya mnyama
na sanamu yake, wakati mapigo yatamwagwa? Ufunuo 15: 1-6.

Fahamu: Angalia hasa mstari wa 5 inasema: “Baada ya hayo”, yaani, baada ya watakatifu walipoonekana mahali hapa ambapo ilionekana kama bahari ya kioo kwa nabii, aliwaona malaika wakitoka na mapigo saba ya mwisho - Mstari wa 6. Baini pia vita ya Armageddon vinakuja katika wakati wa pigo la sita. – Ufunuo 16: 12-15. Kwa hivyo wenye haki wanaonekana wamekusanyika mahali Fulani katika ukombozi kutoka kwa maafa haya. Hakuna kitu ambacho kimesemwa mahali hapa ni wapi, wala haimaanishi kuwa walichukuliwa juu kama tunavyosikia mara nyingi ikinukuliwa.

******************************

Somo la Machi 23, 2019 (Adar II 16, 5779)

KUCHUKULIWA MIMBA NA KUZALIWA KWA YAHSHUA
Somo Kuu: Mathayo 1: 16-25.

Fungu La Kukariri Mathayo 1:18.

1. Je, Malaika alimpa Mariamu ujumbe upi? Luka 1: 28-31.

2. Je, Mariamu alishangaa na kile ambacho malaika alimwambia? Luka 1:34; Matayo.1:18.

Fahamu. Maandiko Matakatifu yanatuambia kwamba Mariamu alikuwa bikira aliye safi sana kwamba hakujua mtu. Alikubali kuolewa na Yusufu, lakini kabla ya kumjua kama mkewe, alipata mtoto na njia ya Roho Mtakatifu. Matayo.1: 18-20; Luka 1:35.

3. Je, Ni uhusiano gani ulikuwa kati ya Yusufu na Maria kabla ya kuzaliwa kwa Yahshua? Ni nini ambacho kilikuwa chanzo cha mimba ya Masihi? Matayo.1:18; Luka 1:35.

4. Je, Isaya alitabiri nini juu ya tukio hili la ajabu? Isa.7:14; linganisha na Matayo.1:23; Luka 1:31.
5. Je, Yusufu alitaka kufanya nini? Matayo.1:19.

6. Ni nini malaika wa Bwana alimwambia Yusufu katika ndoto? Matayo.1: 18-25.
7. Wakati Yusufu na Maria walipofika Bethlehemu walipokelewa aje? Luka 2: 4-8.
8. Ni jina gani alilopewa mtoto na malaika hata kabla hajazaliwa? Matayo.1:25.
9. Je, umuhimu wa jina hili umesisitizwa aje? Matendo 4: 10-12: Wafilipi. 2: 9-11.
10. Je, Paulo alisema nini kuhusu utimilifu wa hili? 1 Tim.3:16.
Fahamu. Unabii huu na utimilifu wake umekuwa lengo la wasioamini na watu wa
kisasa kwa karne nyingi. Hapa nguvu ya Elohim ilidhihirishwa na mimba ya kimiujiza na kuzaliwa
kwa Mwana wake mpendwa, Yahshua. Mara kwa mara, Yahshua aliwambia wasikilizaji wake kwamba alikuja kutoka juu na kwamba Elohim alikuwa Baba Wake.
11. Je, Ni nini kilichotokea wakati wachungaji walikuwa wakilinda kondoo zao? Luka 2: 8-14.
12. Walipata tukio gani na malaika? Je, Hii ilikuwa na athari gani? Luka 2: 9.
13. Je, Ni ishara gani waliyopewa kuhusu mtoto huyu? Luke 2:12.
14. Je, Ni eneo gani lenye utukufu ambalo wachungaji waliruhusiwa kushuhudia? Luka 2: 13-14.

15. Jinsi gani malaika walionyesha furaha yao kwa wakati huo, ni nini kilichofanyika? Luka 2:14.
16. Wachungaji wa kondoo waliitikiaje tangazo hili? Luka 2: 16-20. Je, hii inafaa kuwa mfano kwetu
sisi? Isaya 12.

******************************

Somo la Machi 30, 2019 (Adar II 23, 5779)

MAOMBI YA MASIHI ILI ATUKUZWE

Somo Kuu: Yohana 17.

Fungu La Kukariri: Yohana 17: 5.

1. Ni nini Yahshua Masihi alimwomba Baba wa Mbinguni? Yohana 17: 1.
2. Je, Ni nguvu gani imepewa Masihi na Baba? Yohana 17: 2.
3. Uzima wa milele ni nini? Mstari wa 3.
4. Ni kwa namna gani Masihi alimtukuza Baba? Mstari wa 4.
5. Masihi aliendeleaje kumwomba Baba? Mstari wa 5.
6. Je, Masihi alidhihirisha nini ambacho Baba yake alimpa kwa watu? Mstari wa 6.
7. Je, ni jambo gani lingine muhimu sana na la kuhitajika alilowaletea kutoka kwa Baba? Mstari wa 8 (sehemu ya kwanza).
8. Je, waliamini na kumpokea? Mstari wa 8 (sehemu ya mwisho).
9. Je, aliomba peke yake? Mstari wa 9.

10. Katika sala yake kwa Baba, kwa ajili yao, alimwomba afanye nini? Mstari wa 11.
11. Jinsi gani wafuasi wake walihifadhiwa wakati alipokuwa duniani? Mstari wa 12.
12. Je, Ulimwengu ulikuwa na mtazamo gani kwao? Mstari wa 14.
******************************